SAMAÍN

Un pouco do noso Samaín: decoración da nosa cabaza, lecturas de Samaín, merenda terrorífica na aula, actividade de grafo creativa con arañas, sesións en english con esta temática, música e moooitos contos.

O PATIO, ESPAZO DE APRENDIZAXE

As primeiras saidas ao patio escolar foron moi emocionantes. Poder vivir o espazo sós, e exploralo con calma, cautela e a vez seguridade foi moi gratificante. 

O mes de setembro foi un mes de primeiras veces: primeira vez no areeiro, primeira volta de observación do espazo, descubrindo froitos, froitas, árbores, fauna, escalando o rocódromo, aventurarnos coas alturas, desafiar a forza e confiar nas nosas posibilidades…

É un espazo que aprobeitamospara sair a contar contos, facer música e actividades ao aire libre, e sobre todo, para ser libres e explorar dende as nosas posibilidades.

RECUNCHOS DE XOGO

Con este post queremos ensinarvos un pouquiño da nosa aula e das actividades diarias que nela levamos a cabo. 

En primeiro lugar temos o recuncho dos puzzles e bandexas individuais, un espazo rico en propostas destinadas a traballar a coordinación óculo-manual, a motricidade fina, a autonomía, a atención e a lóxica-matemática.

O recuncho da luz, ubicase nun espazo máis escuro, apartado, de calma, que conta con propostas diferentes de construcción, conteo, motricidade fina… As propostas preséntanse na asamblea ao longo de varios días, e unha vez que saben como se usa e recolle o material, pasan a formar parte deste espazo.

No recuncho da plastilina, os nenos e nenas contan con rodillos, tesoiras, potas e cacharriños, e diversos materiais a través dos cales poden modelar e crear o que a súa imaxinación queira. Ademais, conta con propostas mais guiadas para traballar a motricidade fina partindo do “churro”.

No espazo adicado a construción, os materiais son variables ao longo das semanas, tratando sempre de combinar tres materiais diferentes que inciten a crear escenarios, situacións, mundos máxicos, pequenas historias…

Por último, no recuncho da casiña, terá lugar o xogo simbólico, e no que se trata de favorecer a socialización e o diálogo, así como valores de empatía, respecto de turnos e materiais.